Les Lundis de l’ONJ – 3. Besetzungen an hire Klang

Ënnerschiddlech Besetzungen an hire Klang / professionellt Musikerliewen

Invité Choul-Won Pyun (Solo-Kontrabassist am OPL)
Moderatioun Pit Brosius

Wéi gëtt een ee professionelle Museker? Wéi gesäit den Alldag aus a muss een nach iwwerhaapt nach prouwen? Een Abléck an déi villsäiteg Besetzungen a Concertsforme mat deenen ee Museker muss ëmzegoe wëssen. Mir entdecken zesummen d’Ënnerscheeder vu verschiddene Formatiounen (Solo, Kammermusek, Ensembel a Kammerorchester, etc.) a fannen eraus wéi si kléngen, wat d’Erausfuerderungen, Virdeeler a méiglech Nodeeler sinn.

—

De Pit Brosius, Dirigent vum ONJ, a seng Invitéeë féieren Iech bei de „Les Lundis de l’ONJ“ duerch d’Welt vun der klassescher Musek. Mir entdecken zesumme verschidde Méiglechkeete wéi ee klassesch Musek ka lauschteren an esou d’Concertserliefnis intensivéiert: Instrumenter, Melodien a Begleedungen eraushéieren a rëmerkenne wann se zeréck kommen oder verännert ginn. Donieft blécke mir op dat spannend an ofwiesslungsräicht Liewe vu professionelle Museker.innen.

Dauer 90 Min. (45 Min. Presentatioun / 45 Min. Diskussioun)
Viraussetzung oppen Oueren
Sprooch Lëtzebuergesch, Däitsch

Präis fräien Entrée
Umeldung erwënscht mail@onj.lu